Héraðsdómur Austurlands starfar samkvæmt lögum nr. 15/1998.

Skrifstofa dómstólsins er opin frá kl. 9.00 til 12.00 og 13.00 til 16.00 alla virka daga að Lyngási 15, Egilsstöðum.
Dómstjóri er Hildur Briem.

Upplýsingar um dómsmálagjöld og reikningsnúmer má finna hér.

Umdæmi Héraðsdóms Austurlands er ein dómþinghá, sbr. 1. gr. reglugerðar nr. 1109/2010.
Eftirtalin sveitarfélög heyra til umdæmis hans: Borgarfjarðarhreppur, Breiðdalshreppur, Djúpavogshreppur, Fjarðabyggð, Fljótsdalshérað, Fljótsdalshreppur, Seyðisfjarðarkaupstaður, Sveitarfélagið Hornafjörður og Vopnafjarðarhreppur.

Þingstaður: Héraðsdómur Austurlands, Lyngási 15, Egilsstöðum.

Regluleg dómþing í einkamálum eru 1. og 3. þriðjudag hvers mánaðar kl. 14.00.

Hlé eru á reglulegum dómþingum í einkamálum mánuðina júlí og ágúst svo og frá 20. desember til 6. janúar, að báðum dögum meðtöldum ár hvert. Þá falla regluleg dómþing í einkamálum niður á lögboðnum frídögum, sbr. lög nr. 88/1971.

Nýir dómar

6. maí 2013
E-69/2012 Héraðsdómur Austurlands
Hildur Briem dómstjóri

Sýknað af kröfu stefnanda, Sambands sveitarfélaga á Austurlandi, um viðurkenningu þess að stefnda sé óheimilt að stunda "reglubundna fólksflutninga" á tilgreindri áætlunarleið innan starfssvæðis stefnanda, þar sem ósannað þótti að fólksflutningar stefnda féllu að því hugtaki laga nr. 73/2001. Jafnframt var synjað kröfu stefnanda um staðfestingu lögbanns sem lagt hafði verið við reglubundnum fólksflutningum stefnda á sömu leið.

Sjá nánar

2. maí 2013
E-53/2012 Héraðsdómur Austurlands
Hildur Briem dómstjóri

Fallist var á það með stefnanda að greiðsla hans inn á bankareikning hins stefnda einkahlutafélags hafi falið í sér lán sem bæri að endurgreiða.

Sjá nánar

30. apríl 2013
S-12/2013 Héraðsdómur Austurlands
Hildur Briem dómstjóri

Karlmaður sakfelldur fyrir ræktun kannabisplantna, vörslu fíkniefna og akstur undir áhrifum fíkniefna.

Sjá nánar

12. apríl 2013
S-34/2012 Héraðsdómur Austurlands
Hildur Briem dómstjóri

Stjórnarformaður einkahlutafélags dæmdur til skilorðsbundinnar fangelsisrefsingar og sektargreiðslu fyrir meiri háttar brot gegn skattalögum, sbr. 1. mgr. 262. gr. almennra hegningarlaga.

Sjá nánar