Dómstólasýslan gegnir víðtæku stjórnsýslulegu hlutverki sem felst meðal annars í því að:

  • leggja mat á og gera tillögu til ráðherra um nauðsynlegar fjárveitingar til dómstólanna,
  • ákveða fjölda héraðsdómara og annarra starfsmanna við hvern héraðsdómstól,
  • veita dómurum leyfi og skipuleggja símenntun dómara og annarra starfsmanna dómstólanna,
  • vera í fyrirsvari fyrir sameiginlega stjórnsýslu dómstólanna og koma fram gagnvart stjórnvöldum, fjölmiðlum og öðrum í þágu dómstólanna sameiginlega,
  • fara með yfirstjórn upplýsingamála og tæknimála við dómstólana og annast þróun þeirra,
  • safna saman og birta upplýsingar um fjölda og afgreiðslu mála við dómstóla og gefa út ársskýrslu um starfsemi sína og dómstólanna,
  • stuðla að samræmingu og hafa eftirlit með framkvæmd reglna um málaskrár dómstóla, þingbækur, atkvæðabækur, búnað til upptöku á hljóði og mynd í þinghöldum, dómabækur og varðveislu málsskjala og upptaka í þinghöldum hjá dómstólum,
  • gera tillögur um hvað eina sem getur orðið til úrbóta í störfum dómstóla og löggjöf sem um þá gilda.

Stjórn dómstólasýslunnar skipa:

Benedikt Bogason hæstaréttardómari, formaður. Varamaður hans er Karl Axelsson, hæstaréttardómari.

Hervör Þorvaldsdóttir, forseti Landsréttar. Varamaður hennar er Davíð Þór Björgvinsson, landsréttardómari.

Kristín Haraldsdóttir, lektor. Varamaður hennar er Guðni Bergsson, lögmaður.

Íris Elma Guðmann, dómritari. Varamaður hennar er Erna Björt Árnadóttir, dómritari. 

Halldór Björnsson, héraðsdómari. Varamaður hans er Barbara Björnsdóttir, héraðsdómari. 

 

Framkvæmdastjóri dómstólasýslunnar er Ólöf Finnsdóttir.

Dómstólasýslan er að Suðurlandsbraut 14, 3. hæð, 108 Reykjavík. 

Sími: 432 5010

domstolasyslan@domstolasyslan.is